ست البنات .. أختى

ست البنات .. أختى 
آسفين على الذل
آسفين على حالنا
وسكوتنا دا يعل
الحل إننا نصحى
ويا ريت بإيدى الحل
آسفين على النخوة
ضاعت من التنفيض
والقعدة على القهوة
تفكير غباؤه شديد
آسفين على كل بليد
كل اللى قلبه مريض
كل اللى عقله يشل
حقك على راسنا
سامحي يا ست الكل
إنتى اللى كلك شرف
وإحنا اللى شفنا الذل
ورجولة بكل قرف
ضاعت قصاد الكل
آسفين يا ست البنات
بنردد الحكايات
ونصدق التفاهات
وسيبنا حقك راح
الظلم فينا إجتاح
 وإنتى يا حلوة أصيله
عصفور جميل بجناح
مكانه فوق الكل
عسكر همج وضباع
هجم عليكى بغل
وإحنا هنا بنتباع
راضيين و زي الفل
سكتنا على اللى راح
وهنسكت على اللى جاي
مظلوم على الظلم واخد
عمره ما شاف الضي
ماشافش غير الضلمة
والضرب برصاص حي
خدنا خلاص على الذل
آسفين يا ست الكل