رايح على الميدان

رايح على الميدان

---------------------------------------
قصيده كتبت لتأييد مليونيه 9-9-2011

----------------------------------------------------

 أنا رايح على الميدان
 ولو كان فيها موتى
 دا الظلم منك بان
 وبقول بأعلى صوتى
 إنى كرهت زمان
 وزهقت من سكوتى


 هروح وأقولك لأ
 وأهز بيها الكون
 مش قايل غير الحق
 وهحرك السكون
 وهفتح السجون
 إنت بتيجى بالزق
 ولا بتيجى بالدق
 ولا بتيجى بالحرق
 إنت أكيد ملعون


 فرحان أوى بشكلك
 ودايس على الخدود
 طيب فاكر عساكرك
 اللى ماتوا على الحدود
 عملت عشانهم ايه
 طب قوللى سكت ليه
 إنت مع الأعداء قلبك خشب باركيه
 ومعانا سور مسدود


 إطلق علينا كلابك
 يرمحوا فى البريه
 بتحاكم شاب مصرى
 محاكمه عسكريه
 والفاسد المخلوع
 مخلى عيشته هنيه
 يا عم دا إنت أخرك تحاصر الصينيه


يوم تسعه فى شهر تسعه
 هنخبى فينا الخوف
 وهنملا الأرض الواسعه
 مهما كانت الظروف
 وبعديها نكون عرفنا
 مين اللى كان أسد
 ومين اللى كان خروف
----------------------------------------------

http://www.youtube.com/watch?v=-PBeA4AX0Uo