رجالة مصر

رجالة مصر إللى بيحموها
من كلب القصر وبيخلوها
هتكمل علشان مستقبل
بعد العركة ينضفوها

وهيحكى محمد محمود
عن أبطال زى الأسود
بيواجهوا الظلم ورجالته
واليوم دا هيفضل مشهود

وبيحموا ميدان الحرية
من هجمات البلطجية
وأنا بدعى ربنا ينصرهم
بحق الشرعية الثورية

صوت الحق غيره مفيش
مهما هتضرب بالخراطيش
بيضحى بروحه وأضحى بعينى
علشان جيل أولادنا يعيش

وتحية لعينك يا حرارة
دى الدنيا دايرة ودوارة
بكرة أهو جاى وتاخد حقك
دى عنيك جوهرة جوة محارة

يا شهيد نام وإرتاح وإتهنى
وإستنانا على باب الجنة
عمر الظلم ما يحبس فكرة
مهما الظالم قال وإتمنى