يا أهلى و ناسى الساكتين
عن حقى و دمى و صابرين
الصبر خلاص عديت حده
مش قادر أصبر كده عنده
مش هخضع أنا تانى لشرطه
ولا هقدر على تنفيذ بنده
يا أهلى و ناسى الساكتين
الظالم المجرم مين سانده
غير صمتا تاما عن ذنبه
و دا أسعد شيء على قلبه
سايبينه بيسجن و بيقتل
و تلوموا فى الآخر على كلبه
الظالم المجرم مين سانده
مين سايب حق أخويا عنده
يا أهلى و ناسى الساكتين
عن حقى و دمى و صابرين
ههرب على قارب مطاطى
فى الشنطة هدومى و إحباطى
لو غرقت النهارده
هبقى مت شهيد
و لو نزلت المظاهرة
برضه مت شهيد
فأغرق من قارب مطاطى
أحسن ما أموت بالمطاطى
و ماحدش برضه يجيب حقى
ولا حد يعالج إصاباتى
ولا حد يكون كاتم بقى
و مزود جوايا إحباطى
ههرب على قارب مطاطى
فى الشنطة هدومى و إحباطى
مش ناسى سكتوتكم و أوعدكم
مش هقطع عنكم خطاباطى
ههرب على قارب مطاطى
ليست هناك تعليقات:
إرسال تعليق